Feeds:
Innlegg
Kommentarar

Archive for the ‘Elevsamtale’ Category

Kven skapte Gud?

Som lærar får ein av og til høyre gullkorn frå barnemunn. I går skulle ein av dei små elevane mine formulere spørjesetningar med «hvor, hvem og hva,» og eg skulle svare på spørsmåla. Eg tenkte det kom til å bli enkle spørsmål av typen «hvor bor du.» Men der tok eg feil, gitt.

Det første spørsmålet var «Hvor kommer paprika fra?» Eg prøvde meg med Afrika og Mexico, men det var ikkje rett. Svaret skulle vere «frå paprikaplanten.» Det andre spørsmålet var det mest fascinerande (og overraskande), og det var noko han hadde lurt på lenge: «Hvem skapte Gud?» Eleven min skjønte at det var vanskeleg for meg å svare, men vi fekk ein fin liten filosofisk samtale, og konklusjonen hans vart at vi måtte spørje foreldra til Gud for å få svar.

På det tredje spørsmålet var det slutt på filosoferinga, og han lurte først på om han skulle spørje «Hva har du under stillongsen?» Her byrja han å fnise mykje, for svaret ville jo vere «trusa.» Han syntest at det var eit litt uanstendig spørsmål, og sidan ordet stillongs var vanskeleg å stave, vart spørsmålet i staden: «Hva skal vi gjøre i svømminga i dag?»

Slike samtalar gjer livet lysare.

Read Full Post »

Kompliment

I dag har vi laga papir på skulen. Medan eg og ein elev moste makulert papir i ein blender, kom eleven med denne kommentaren:

«Eg synest det er kjekt å ha deg som lærar, Ingeborg. Du finn alltid på sånne gøye aktivitetar og vi gjer masse sånne praktiske oppgåver som eg likar.»

Å, for ein strålande dag!

Read Full Post »

Grønnsaker og gullkorn

I går hadde eg heimkunnskap med 2. – 3. klasse. Vi skulle lage grønnsakssuppe og medan vi kutta opp ingrediensane hadde vi følgjande samtale:

E=elev,
L=lærar (altså meg)

E: Eg likar ikkje grulerøtter.
L: Er det grulerøtter eller gulerøtter du ikkje likar?
E: Eg likar ingen av delane.

Read Full Post »